7 ciwanê ke welatanê cîya yê Ewropa ra ameyê Anqara, seba vînayîşê Abdullah Ocalanî muracatê Wezaretê Edaletî kerd.
Endamê Înîsîyatîfê Insisting On Freedom (Ma seba azadîye israr kenê) ke ciwananê Ewropayîjan ra yeno pê, seba ke bieşkerê Rayberê Şarê Kurdî Abdullah Ocalanî reyde bêrê têhet û Tirkîya beşdarê tayê çalakîyan bibê, ameyê Anqara. 7 ciwanê endamê înîsîyatîfî bi waştişê pêvînayîşê Abdullah Ocalanî bi muracatêko nuştekî muracatê Wezaretê Edaletî kerd.
Demê muracatî de parlamenterê DEM Partî yê Mûş û Colemêrgî Sumeyye Boz û Vezîr Parlak zî ciwanan reyde bîyê.
Nameyê ciwananê ke muracat kerd wina yo: “Merlin Wendt – Elmanya, Bazanê Ciwan ê Sosyalîstan ra (Socialist Youth The Falcons); Mari Chureau – Fransa, Seba Şarî Ekolojîyê Komelkî ra (For Social Ecology For People PEPS); Ritchy Thibault – Fransa, Seba Şarî Ekolojîyê Komelkî ra (For Social Ecology For People PEPS; Benni Dragone – Îtalya, çapemenî; Martina – Îtalya, Komunê Ciwanan ê Enternasyonalîstî ra (Internationalist Youth Commune); Marie – Elmanya, Komunê Cinî yê Ciwan û Ciwanê Demokratîk ê YUNA; Giosve Vicidomini – Îtalya, Rêxistina Ciwanan a Partîya UGS Sinistra Italiana ra.”
