Meclîsê Ciwanan ê DEM Partî yê Wanî do dinga Kevenlî TOKÎ yê peyê Parka Mûsa Anterî de şahîyêk organîze bikero.
Meclîsê Ciwanan ê DEM Partî yê Wanî waşt 5ê êlule de çarçewaya Prosesê Aştî û Komelê Demokratîkî de Qada Şaristanî de şayîya ciwanan organîze bikero. La destûr nêameyo dayene. Nê ser o ciwanî do dinga Kevenlî TOKÎ yê peyê Parka Mûsa Anterî de şayî bikerê. Şayî do saete 19:00î de bêra kerdene. Hunermend Kasim Taşdogan do şayî de sehne bigîro.
Vengdayîşê beşdarbîyayîşî
Endamê Meclîsê Ciwanan ê DEM Partî Adem Yilmaz vat: “Ma waşt 5ê êlule de Kent Meydani de konserî bikerê la walitîyî destûr nêda. Ma di hewte verî dest bi xebatan kerdbi û walitî zî agahdar kerdbî. Demo ke ma înan gêrayî zî beyî ke hincetêk bimojnê vat ke înan konserî betal kerdo. Tu hêzêk do nêeşko ma têkoşînê ma ra biaqitno. Ma veng danê heme ciwan ke beşdarê konserê ma yê dinga Kevenlî TOKÎ’yî bibê.”
