Platfromê Ciwananê Welatperweran bi waştişê azadîya fîzîkîye ya Rayberê Şarê Kurdî Abdullah Ocalan 18ê teşrîna verêne de Amed do rayraşîyayîş bikero. Xeylê bajaranê Kurdîstan û Tirkîya ra ciwanî do verê xo bidê Amedî.
Amed de 18ê teşrîna verêne de hetê Platformê Ciwananê Welatperweran ra bi şîarê ”Bi Rayberê azadîye verbi cuyeya azade” do rayraşîyayîş bêro organîzekerdene. Rayraşîyayîş do saete 17.00 Pirdê Alipinarî yê Rêzanî de dest pê bikero û heta verê Burcê Ben û Senî yê Sûrî dewam bikero.
Badê rayraşîyayîşî do eşkerayîye bêro dayene û tewrbîyayoxî şewe heta serê sibayî ”Nobeta Azadîye” tepişê. Verî sey hemwextî rayraşîyayîşêk zî Bursa de amebi plankerdene la o ame betalkerdene û bi çalakîya Amedî ame yewkerdene.
Sere de Îstanbul bajaranê Kurdîstan û Tirkîya ra ciwanî 17 û 18ê teşrîna verêne de bi hewayêkê girseyî do verê xo bidê Amedî.
Cayê wariştişê wesayîtan û saetê ci wina yê:
17ê teşrîna verêne:
Îstanbul: saete 20.00 – Verê banê DEM Partî yê Sancaktepe
18ê teşrîna verêne:
Adana: saete 08.00 – Merkezê Kulturî yê Yaşar Kemalî
Mêrdîn: saete 13.00 – Verê banê DEM Partî
Êlih: saete 13.30 – Verê banê DEM Partî
Riha: saete 12.00 – Verê Otela Nevaliyî
Wan: saete 08.00 – Parka Aştîye ya Musa Anterî
Mûş: saete 09.30 – Verê banê DEM Partî
Colemêrg: saete 07.00 – Verê banê DEM Partî
Colemêrg/Gever: saete 07.00 – Verê banê DEM Partî
