Kampanyaya “Hempeymanîya seba Azadîya Nêrgiz Mihemedî” eşkera kerd ke Nêrgiz Mihemedî 24ê adare de Hepisxaneyê Zencan ê Îranî de krîzê qelbî kerdo û cuya aye tehluke de ya.
Kampanyaya “Hempeymanîya seba Azadîya Nêrgiz Mihemedî” derheqê rewşa peyên a Nêrgiz Mihemedî de eşkerayîyêka nuştekî vila kerd. Goreyê eşkerayî weşîya Nêrgiz Mihemedî tehluke de ya û wina ame vatene: “Aye 24ê adare de mîyanê cila xo de xeriqîyaya ameye vî ayene. Goreyê embazanê aye yê hucreyî, aye nêzdîyê saetêk xeriqîyaya. Girewteyê ke hucre de yê aye betanîye ra pîşta û berda nêweşxaneyê beşê cinîyan uca de dermanî dayê aye ke bêra xo. Rixmê ney zî rayedaran red kerdo ke Mihemedî bierşawê nêweşxane.”
Rewşa weşîye encamê îşkence ya
Sewbîna eşkerayî de ame vatene ke Nêrgiz Mihemedî her tim qelibnena, dejê aye yê sereyî giran beno û çimê aye zî kêm vînenê. Eşkerayî de ame vîrardene ke Nêrgiz Mihemedî 12ê kanûna 2025î de Meşhed de wexto ke destbendkerde bîya, îşkenceyêko giran dîyo û rewşa rewşa weşîya aye ya nika encamê nê îşkenceyî ya.
Keyeyî reyde pêvînayîş yeno astengkerdene
Goreyê eşkerayî, dozgerê hepisxaneyî têkilîya Nêrgiz Mihemedî tena hîrê deqîqeyan wa û birayê aye reyde sînordar kerdo û heme têkilîyê avûkatanê aye reyde qedexe kerdo. Sewbîna hetê rayedaran ra yeno ferzkerdene ke heme zîyaret binê çimdarîya rayedaran de bêra kerdene.
Kampanya eşkerayîya xo de veng da rayedaranê Îranî ke bilez Nêrgiz Mihemdî û heme girewteyanê sîyasî serbest veradê. Sewbîna veng da raya pêroyî ya mîyanneteweyî ke hemverê na rewşe de hesas bibê.
