DAKB’î bertek nîşanê vera hêrişê rojnameger Ezgî Sosyale rê da û ard vîr ke na bêvengî hembarîya sucî ya, faîl nê maxdur bipawî.
Vera Rojnameger û Kedkara CAN TV’yî Ezgî Sosyale rê hêriş virazyabi û no hêriş ra zî Yewîyeya Cinîyê Elewîye yê Demokratîkan (DAKB) zî bi beyanato nuştekî bertek nîşan da.
Beyanat wina yo:
“Çi heyf ke nê bi serran a rojnameger Ezgî Sosyal marûzê tacîz, tehdît û şîdeto fîzîkî rê manena, çikî sazîyanê dewlete rol û mîsyonê xo kay nêkenî. Taxa Kayişdagi ya Ataşehîrê Stenbolî de nê 4 serrî ciranê Ezgî Sosyale, Sosyale ra hêriş kenî. Ezgî Sosyal çend ra serdayîşê qeraqol û şaredarîye zî kerda çi heyf ke vergirewtişêk nêameya kerdene. Şewa 28ê Citmenge de 10 kesî hêrişê Ezgî Sosyale kerdî û no hêriş tikey mend ke Ezgî Sosyal dinyaya xo bibedilna.
No hêriş netîceya bêcezayaveradeya dewlete ra qewimyeno. Ezgî Soysal tena yew rojnameger nîya, cinîyêka elewî û verfeka heqîqetî ya. Demo ke cinîyî dinyaya xo bedilnenî, dewlete zî bêveng manena; na rewşe zî înkarê adaletî yo û ‘Ezgî Soysal tena nîya’”
