Gulîzar Kaytan; şahîdê tarîxê Dêrsimî bî û 10 serrî verê ewro rehmet kerd. Emrê xo yê 85î de Gulîzar Kaytan her tim verba teda û zilmî de bî sembola xoverdayişî.
Maya Alî Haydar Kaytanî, Gulîzar Kaytan; şahîdê tarîxê Dêrsimî bî û 10 serrî verê ewro rehmet kerd. Emrê xo yê 85î de Gulîzar Kaytan her tim verba teda û zilmî de bî sembola xoverdayişî. Bi xoverdayişê xo tarîxê Dêrsimî sey dayika xoverdayişî vîyart û demê ameyoxî ra zî mîrasê xoverdayişî verada.
Gulîzar Kaytan, bi fermî 1ê Çileya 1929î de dewa Hengirvanê Dêrsimî de maya xo ra bî, verba zilmî dewlete malbatê ay xover da bi nasnameyê xo yê kurdî û Elewîye cuya kerd.
Qirkerdişê 1937 û 1938î de malbatê Gulizar Kaytane û eşîrê Haydaranî ra bi hezaran kesî ameyê qetilkerdene. No dem Gulîzar Kaytan hîna 9 serra bî, a û malbatê ay qirkerdişî ra xelisyayê la surgunê Kayserî ameyê kerdiş.
Nêzî 10 serrê malbatê Gulîzar Kaytane Kayserî de cuya kerd û peynîya serrê 1940î de hewna dewa xo Hengîrvanî ra agêra. Peynîya agêrayişê dewe Alî Kaytan reyde zewîjîya. Malbatê Kaytane hetanî serra 1970î Dêrsim de cuya kerd û 7 domanê înan bî. Peynîya destpêka xoverdayişê Denîz Gezmîşî malbatê Kaytanî teda û zilmê dewlete zêdîya.
Hengirvanî ra ameyişê Apocîyan
Mabenê serra 1975 û 1976î de Hengirvanî ra ameyişê ciwanan destpê kerd û nê ciwanan zî sey embazê Alî Haydar Kaytanî ameynê şinasnayiş û la her ke dem vîyart ame musayiş ke nê ciwanan şoreşgerê kurdistanijî, Alî Haydar Kaytan zî mîyanê înan de bî û Dayîka Gulîzare roja yewîne de nê ciwanan ra hetkarî da.
Demê ke nê ciwanan dî û înan ra vat ke: “Nê ciwanê do heyfê Dêrsimî bigê.” Dayîka Gulîzar nê ciwanan hembez kerd û tewir bi tewir hetkarî da înan ra. Seba ciwanê şoreşgerê kurdistanijî Hengirvan êdî merkezêk bî. Kombîyayişê xo yê perwerdeyî êdî na dewe de kerdinê.
‘Xizmetê Dewleta Tirk îxanet o’
Bi Darbeya 12 Êlule dewlete destpê malbatî ra tedaya ‘ya şima domanan anenê ya zî ewta ra fek veradanê şonê.’ Kerd. Peynîya zilmê dewlete nêçare embaza Gulîzar Kaytane, Alî Kaytan Dêrsim ra vejîya. Dewlete malbatê Kaytanî ra Kurdistanî qedexe kerd û malbatê surgunê Afyonî kerd. Malbatê Kaytane Afyon de zî xoverdayişê xo ra fek vera nêda û domananê xo nasîhatê kurdewarî û Qirkerdişê Dêrsimî kerd. Alî Kaytan domananê xo ra vat: “Qatî şima na dewlete ra xizmet nêkenê, karmendîya na dewlete zî şarê xo ra îxanet o.” çi heyfo ke Alî Kaytan serra 1984î de Afyon de rehmet kerd. Peynî zî Gulîzar Kaytan bi domananê xo koçê Bursayî kena. Dayîka seba ke domananê ay beşdarê PKKî bibê têkoşîn da.
Çend ra ame binçimgirewtişî
Dayîka Gulîzar serra 1990î de tepa agêra Dêrsimî la serra 1993î de dewlet a heps kerd. Zîndanê Erziromî de 6 aşmê û zîndanê Dêrsim, Elbîstan û Meletî de zî nê zî 1 serre mend. Peynîya hepsê Dayîka Gulîzar agêra Bursa la Bursa de zî dewlete a fek vera nêda bi xusuî Mudirê Emnîyetê Bursayî a ra îşkence kerd, binê îşkence de Dayîka Gulîzar qise nêkerd û bi nê nêzdîbîyayişê xo dorme ra sey “Dayîka xoverdekar a 70 serra” şinasîya. Dayîka Gulîzar qet verba dewlete çok nêrona.
Cilê gerîla ser xo kerd û qirkerdiş da famkerdiş
Gulîzar Kaytan serra 1995î şî hetê Rayberê PKKî Abdullah Ocalanî, demê ke Rayberê PKKî Abdullah Ocalanî vînena zaf bi kêfweş bena. Ewta de Dayîka Gulîzar ser xo cilê gerîla kena û vana ke: “Verekna ez hîna bi ciwanan bibîne û koyê Kurdistanî de şer bikerdine.” Dayîka Gulîzar seba waştişê Rayberê PKKî Ocalanî Ewropayî ra koç kena.
Dayîka Gulîzar, şaristanê Essenê Almanyaye de Xoverdayişê Azadîya Kurd ra beşdar bena û Ewropa de tewir bi tewir konferans û kombîyayişan de Qirkerdişê Dêrsimî dana famkerdiş, çimkî Dayîka Gulîzar şahîdê ganîya Qirkerdişî Dêrsimî bî.
Abdullah Ocalan: “Dayîka Gulîzar û Hatîce rûmetê nê xoverdayişî yê.”
Hetanî emrê xo peynî seba Xoverdayişê Azadîya Kurd Dayîka Gulîzar xover da. Her tim beşdara çalakîyan bî, seba nê şexsîyetîya ay ê xoverdekar Rayberê PKKî Abdullah Ocalan zîndan de zî ay ra silam û bi silgirîya pawitoxanê xo zî xela erşawitinî. Çimkî Rayberê PKKî Abdullah Ocalan Dayîka Gulîzar û Hatîceye sey qehramananê Xoverdayişê Azadîya Kurd dîyaynî. Abdullah Ocalan seba nê dayîkan vatinê: “Nê dayîkan, seba ma rûmet ê û ganî ma wayîrê nê rûmetê xo bivejîyê.”
