DBP’yî serrgêra dardekerdişê înan de Şêx Seîd û embazê ci bi rêzî yad kerdî.
DBP’yî eşkerayîyêke daye û Şêx Seîd û embazê ci yad kerdî ke ê 29ê hezîrana 1925î de Meydanê Berê Koyî yê Amedî de ameybî dardekerdene.
Eşkerayîye de dîya zanayene ke Şêx Seîdî vera polîtîkayanê înkar, îmha û asîmîlasyonî sereyê xo wedaritibi û no xoverdayîş seba pêro şar û bawerîyan amebi kerdene.
DBP’yî îfade kerd ke armancê serewedaritişî yo esas waştişê cuya azade û têdûşt bibi û vat: “Seba caardişê erjanê demokrasîyî, heqanê merdiman, azadîye û têdûştîye, seba caardişê komara demokratîke ma ancî veng danê.”
