Partîya Demokrasî û Têduştî ya Şaran (DEM Partî) gerreyê ê kesan kerd ke vera sîyasetmedara kurd Leyla Zana heqaretê cînsîyetperestî kerdbî.
Komîsyonê Heqanê Merdiman û Huqûqî yê DEM Partî, nameyê Hemserekanê Pêroyî Tulay Hatîmogullari û Tuncer Bakirhanî ser o vera hêrişê cînsîyetperest ke sîyasetmedara kurd Leyla Zana ameyê kerdene, gerre kerd.
Muracatî de ame waştene ke vera kesanê ke mîyanê grûbanê terefgiranê Bursasporî de ke suc kerdo, lîderê trîbunî yê ke heqaretî rayra berdêne, amîgoyî, rayberê kulubî û grûbe û terefgirê Ankaragucu yê ke eynê çîyî kerdo, çîyo ke lazim o bêro kerdene. Muracatê gerreyî de eynê wextî de ame waştene ke berpirsîyarîya hakeman, tîmanê teknîkî, temsîlkar û muşahidê Federasyonê Futbolî yê Tirkîya (TFF) zî bêra persayene.
