DEM Partî verba tayînkerdişê qeyûmî yê Şaredarîya Qaxizmanî reaksîyon mojna û vat: “Qeyûm şerê îqtîdarê AKP’yî yê verba heqê weçînitox û weçînitişê yê şaran o.”
Partîya Têduştî û Demokrasîyî ya Şaran (DEM Partî) hesabê xo yê medyaya sanale ser o derheqê tayînkerdişê qeyûmî yê Şaredarîya Qaxizmanî ya Qersî beyanat da. Beyanatî de wina ame vatene: “Kesê ke îradeyê şarî ra tersenê reyna xo mojnenê. Tayînkerdişê qeyûmî yê Şaredarîya Qaxizamanî ya Qersî şerê îqtîdarê AKP’yî yê verba heqê weçînitox û weçînitişê yê şaran o. Şaredarîya ma şarê rê xizmet kerd û sîstemê nerayîrîye serûbin kerd o semed ra hetê îqtîdarî ra hedef ame girewtene. Labelê ne ma ne zî şarê ma do xespkerdişê qeyûman qebul nêkerê. Ma na darbeya verba denokrasî, verba îradeyê şarî û verba hemşaredaranê ke ameyê weçînitene qet qebul nêkenê. Sîstemê qeyûmî do bin bikewo û şar serbikewo.”
