DEM Partî seba Maya Şemeyî Emîne Ocak mesajê serweşîye pare kerd û vat: “Mîrasê Emîne Ocak do têkoşînê ma yê edaletî de biciwîyo.”
Partîya Têduştî û Demokrasîyî ya Şaran (DEM Partî) hesabê xo yê medyay dîjîtal X’î ser o mesajê serweşîye seba wefatê Emîne Ocak pare kerd. Emîne Ocak dima ke lajê aye Hasan Ocak wexto ke destdenkerde bi ame vîndîkerdene, 89 serrîya xo de bîye sembola têkoşînê Mayanê Şemeyan.
‘Sembola cigêrayîşê edaletî’
Mesajî de wina ame vatene: “Ma seba wefatê Emîne Ocak vengê xoverdayox ê Mayanê Şemeyan û sembola cigêrayîşê rastî û edaletî, zaf xemgîn ê. Emîne Ocak qet persê çarenûsê gedeyê xo yo vîndîkerde ra fek veranêda. Do rayîrê heme kesan ke nê erdê ser o edaletî gêrenê roşnî bikera. Ma heme şarê xo rê serweşîye wazenê, bi taybetî keyeyê aye, Mayê Şemeyî û pawitoxê heqanê merdiman rê wazenê. Mîrasê Emîne Ocak do têkoşînê ma yê edaletî de biciwîyo.”
