Verfeka DEM Parti Ayşegul Dogane, derheqê babetê ke rojevede rê eşkerayîye dana. Dogane reaksîyon nîşanê qedexekerdena ziwanî daye û va ke: Komîsyon eşkeyêne yew raya demokratîke bivêno.
Verfeka Partîya Têduştî û Demokrasî (DEM Parti) Ayşegul Dogane merkezê partîya xo de kombîyayîşê çapemenîye kena û babetê ke rojevederê înan ercnena.
Kombîyayîşê vizêrî de dayîkanê haştîye ra Nezahat Teke waşt bî ke ziwanê xo de qisey bikero. La belê Serekê Meclîsî Numan Kurtulmuşî destur nêdabî ci. Ayşegul Dogane seba na rewşe vat ke: “Ganî Komîsyonê Demokrasî, Wayûbirayî û Paştdayîşê Neteweyî kamilîye nîşan bidêne û Nezahat Tekeye ziwanê dayika xo de qisey bikerdêne.”
Tirkîya 93î ra nat haştîye ra gêreno
Ayşegul Dogane va ke ma sey Partî derheqê nê prosesê Haştî û Komela demokratîke de kar û xebatê xo bi birkî domkenê. Ayşegul Dogane va ke Tirkîya 93î ra nahetêrîyo ke dima haştîya xo gêrena. Ma eşkenê vajê peynîya peyenede nê gêrayîşî no hefte xebatê nê Komîsyonî de zî xo nîşan da.
Heta nika 5 Kombîyayîşî ameyî kerdene. Nê kombîyayîşanê pêyênan de goş dîya serê kesê ke nê şerî de nêzdîyê xo kerdê vîndî. Na gamê de muhîma. Ma dî ke mesela zaf kura. Ganî hem koka na mesela hem zî sebebê na mesela rind bêro famkerdene û goreyê aye zî gamî bêrê eştene.
