DEM Partî û DBP’î seba 1ê Gulane mesajî pare kerdî. DEM Partî mesajê xo de bal ant têkoşînê karkeran ser o. DBP’î zî mesajê xo de dîyar kerd ke 1ê Gulane sey roja yadkerdiş nê, roja têkoşînê cuya yê demokratîkî dîyenî.
Ewro Roja Hetkarîdayîş û Kedî ya Karkeran a. Avzelîya na roje ser o DEM Partî hesabê xo yê X’î ser o mesajêk pare kerd. Mesaj de ame vatiş ke 1ê Gulane ya kedkar û karkeran pîroz bo û mesaj wina domyeno: “Fabrîka, atolye, hega, keye û kuçe de kedkar û karkarê ke seba nanê xo rê şer kenê û eraq danê, ma 1ê Gulana înan pîroz kenê. Wa biciwo 1ê Gulane. Seba Azadîya Kede û Komelo Demokratîk rê ver bi 1ê Gulane!”
Şerî rê nê, kedî rê butçe
DBP’î zî hesabê xo yê fermî ser o seba 1ê Gulane mesajêk pare kerd. Mesaj de ame vatiş ke pêroyîya dinya de çi heyfo ke kedê karker, kedkar, cinî, ciwan û şaran yeno werdiş la verba nê nêzdîbîyayîşî de zî têkoşînê bi rûmet domyeno û ê zî no têkoşîn silam kenê.
Mesaj wina domyeno: “Ma bi na qerardarî roja 1ê Gulane sey roja yadkerdiş nê, roja têkoşînê cuya yê demokratîkî dîyenî. Her ke şona manaya têkoşînê kedî xurt bena, kapîtalîzm koleyîya modernî dano merîyetî, çi heyfo ke xususî tewro zaf cinî yeno mêtingkerdiş (kolonîkerdiş). No ser zî têkoşînê cinîyan tena ekonomîk nê, eynî demî de têkoşînê estbîyayîşî yo. Nê bingeyê tabloyî de rol û mîsyonê polîtîkayê şer û kêmaneyîya îktîsadî est ê. Xususî nêçareserîya problemîya kurdî, netîceya sereke ya na mesele ya. Ganî vengdayîşê Aştî û Komelê Demokratîkî ra bi ruhê 1ê Gulane wayîr bêro vejyayîş.
Ma hewna qirenî;
Şerî rê nê, kedî rê butçe!
Verba înkarî, çareserî û aştî!
Seba heq û adaletî têkoşîn!
Ma do her ca de têkoşînê ked, adalet û aştî bidomnê. Biciwîyo 1ê Gulane! Biciwo têkoşînê kedkar û karkeran.”
