DEM Partî û MHP’î bi wesîleya Roşanê Qurbanî yewbînan zîyaret kerdî. Zîyaret de ame parekerdene ke ganî wayîrê prosesî bêro vejîyayene û Meclîs de proses aver şoro.
MHP’î bi wesîleya Roşanê Qurbanî DEM Partî zîyaret kerde. Hetkarê Serekê MHP’î Sadîr Durmaz, Serşêwirmenda Serekê MHP’î Doç. Dr. Esma Ozdaşli û Endamê MYK’î yê MHP’î Şahîn Kartal şi zîyaretî. DEM Partî ra Hetkarê Hemserekan Ruştu Tîryakî, Endamanê Meclîsê Partîye Zeyno Bayramoglu û Îhsan Seylanî heyetê MHP’yî pêşwazî kerd.
Durmazî zîyaret de ard ziwan ke wa roşan bibo wesîleya aştîye û wayûbirayîye.
Tîryakî zî pare kerd ke ê do paştî bidê prosesê aştîye û eke meseleya kurdan çareser biba Tirkîya do bihêz biba.
Dima DEM Partî ra Endama MYK’î Cemîle Turhalli Balsak û Endama Meclîsê Partîye Fatma Koçyîgît Oner MHP zîyaret kerd.
MHP’î ra Zulkuf Koçarî zîyaret de vat ke ganî her kes prosesê demokrasî û aştîye vejîyo û Meclîs de komîsyonêk bêro awankerdene.
Hetkara Serekê MHP’î Zuhal Topçu zî îfade kerd ke cayê çareserîye Meclîs o û ganî Meclîs de proses aver şoro. Heyetê DEM Partî Partîya Gelecekî zî zîyaret kerd.
