Endamê MYK’yî yê DEM Partî seba erjnayîşê merasîmê veşnayîşê çekan ê “Grûba Aştî û Komelê Demokratîkî” û hedîseyanê merasîmî ra pey, kom bîyê.
Endamê Lijneya Rayber ê Merkezî (MYK) yê Partîya Têduştî û Demokrasîyî ya Şaran (DEM Partî) bi hewayêko awarte merkezê pêroyî yê partî de kom bîyê. Kombîyayîşê de ke Hemserekê Pêroyê Tulay Hatîmogullari û Tuncer Bakirhan serekîya ey kenê, do hedîseyanê Rojhelatê Mîyanên û Tirkîya ser o vinderê.
Vengdayîşê Rayberê Şarê Kurdî Abdullah Ocalan û merasîmê çekveşnayîşê yê “Grûba Aştî û Komelê Demokratîkî” ke 11ê temmuze de ame kerdene do bêrê qiseykerdene. Kombîyayîşî de do hedîseyanê mîyanî ra pey, berpirsîyarî û rolê ke kewenê milê Meclîsî ser o erjnayîşî bêrê kerdene.
Yeno zanayene ke mabênê kombîyayîşî de Verfeka DEM Partî Ayşegul Dogan eşkerayî bida.
