Semedê xebera aye ya mergê bişik yê Rojîn Kabaîş, hemverê rojnamegere Oznur Deger bi îdiaya “agahîyê şaşî mîyanê şarî de vila kerdê” cipersayîş ame destpêkerdiş.
Mudira Xeberan a JINNEWS’î Oznûr Deger xeberêka bi sernameyê “Îdîayo ke nêame cipersayîş: Memûrê asayîşî rema teberê welatî” ke platformê medyaya dîjîtale X’î ser o pare kerdbî, semedê îfadeyî venga Serdozgerîya Komare ya Qoserî ame kerdiş. Oznur Deger ke avûkatanê xo reyde şîye dozgerî, sucdarîya hemverê xo de îfade da.
Oznur Deger dîyar kerd ke ganî qerarê nimitişî yo ke dosyaya Rojîn Kabaîş ser o yo, bêro wedaritiş û rayapêroyî rastiya dosya bizano.
