Hêrişê çeteyanê HTŞ û SMO’yî derûdorê Kampê Holî û dewanê Hesekê de dewam kenê. Hêzê HSD’yî zî bi her hewayî cewabê hêrişan danê.
Hêrişê çeteyanê HTŞ û SMO’yî yê vera Rojava dewam kenê. Derûdorê Kampê Holî de ke bi hezaran DAIŞ’ij û merdimê înan tede yenê girewtene, şerêko çetin qewimîyeno.
Çeteyanê HTŞ û SMO’yî saetanê nêmroje de hêrişê giranî derûdorê Kampê Holî de dayê destpêkerdene. Hêzê Sûrîyeya Demokratîke (HSD) zî cewab dana nê hêrişan û herême de pirodayîşê zehmetî qewimîyenê.
