Cepheyê şerî de vengê fîşekan û azadîye berz beno. 7 bira şaristanê Qamişloyî de oxirê pawitişê welat û doze de destanêko îstîsna nuşt. Estaneka înan her hewt qehramanê ke pîyê înan oxirê azadîye şehîd bîyo.
Estaneka xoverdayişî yê her şarêkî esto ke mîrasê nê şaran ê serînetewaynayî û seba azadîye têkoşîn weçînayî, bi fedakarîyê xo tarîx nusenê. Estaneka ma, estaneka qehramanê raştîn ke têkoşîn weçînayî û oxirê azadîye de fedakarîyê tewrê gird kerdê.
Bi zêdebîyayişê hêrişê Dewleta Tirke ser herême ra malbatê Xelef Silêman Qamişlo de rayîrê azadîye weçîna. Şervanê Hêzê Sûrîyeya Demokratîke (HSD) Egîd Silêman ke lajê gird ê malbatî yo û va: “Ser şehadetê pîyê mi, 2 birayê mi hêzê leşkerîye bîyê. Nika ma 7 bira hêzê pawitişî de yê û do herra xo hêrişkaran ra bipawê. Ma no soz dayê û do ser sozê xo zî bibê.”
Malbatêk xizmetê doze de yo
Malbatê Elî Xelef Silêman may, pîya, 7 laj û 3 kênayan pê yeno. No malbat bîyo finaka cesaret û fedakarîye. Nê tena lajê malbatî têkoşîn dayê, her hîrê kênayê malbatî zî xebatê komelî û lojîstîkî de kar kenê.
