Goreyê xebera Rojnewsî Dêrelokê ya ke nêzdîyê sînorê Dêrelokî de ya, rayîro leşkerî yo newe yeno viraştene. Ame vatene ke rayîr semedê sewqîyatê leşkerî yeno înşakerdene.
Goreyê xebera Rojnewsî artêşa tirke ya ke çarçeweya îşxalî de Başûrê Kurdîstanî de bi serra o baregehê ci est ê, Dola Reşava ya sinorê Dêrelokê Dihokî de rayîrê leşkerî yê neweyî virazena.
Ame vatene ke rayîr semedê wesayîtanê leşkerî û personelî herêmanê stretajîkan ê Başûrê Kurdîstanî rê bêrê sewqkerdene, yeno viraştene.
Dîya zanayene ke verî zî herêma Avaşînî ya Dêrelokî û warê Berê Sîlê yê Amêdiyê de di rayîrê cîyayî ameyî viraştene û bi temamkerdişê rayîrê Dola Reşava do nê herêmî yewbînan rê bêrê girêdayene.
Hukmatê Herêmî yê Kurdîstanî û îdarekaranê Iraqî hema derheqê babete de eşkerayîyêka fermî nêdaye.
