Dewleta tirke bi teyarayanê şerî Awbendê Tişrînî da bombayan ver û konvoyê şarî ke seba pawitişê Awbendê Tişrînî Kobanê ra kewtbi rayîr, hedef girewt.
Awbendê Tişrînî de nobeta şarî roja heştine de dewam kena. Hêrişê dewleta tirke û çeteyanê ci verba awbendî dewam kenê.
Dewleta tirke bi teyarayanê şerî 300 metre nêzdîyê warê bingeyî yê Awbendê Tişrînî yo ke beşê dekerdiş û vengkerdişî tede yo, da bombayan ver.
Hetê bînî ra saetanê nêmroje de gama ke konvoyê şarî kantonanê Cizîr û Kobanê ra ver bi Awbendê Tişrînî kewtî rayîr,dewleta tirke herême daye bombayan ver.
Ame zanayene ke nuqtayê ke konvoy tira ravêreno dîyayî bombayan ver. Rixmê bombardumanî konvoyî rayîrê xo rê dewam kerd û resa Awbendê Tişrînî.
