Dorpêçê serê Kobanî yê çeteyanê HTŞ û SMO’yî roja 15. de dewam keno. Rixmo ke bi hezaran welatijî koçber bîyê, 600 hezar merdimî semedê nêbîyayîşê awe, elektrîk û dermanan rewşêka zehmet de yê.
Dorpêçê grûbanê çeteyanê HTŞ û SMO’yî ke serê Kobanî de 15 rojî yo dewam keno, cuya 600 hezar merdiman ser o tehluke virazeno. Tewr zaf dermanî lazim ê la nêyenê peydakerdene, nêweşê kanserî nêeşkenê vejîyê teber û tedawîya xo bidomnê. Elektrîkê înan ameyo birnayene û sotemenî û werd nêyenê peydakerdene.
Rixmê dorpêç û şertanê giranan zî têkoşîn û xoverdayîşê şarê Kobanî dewam keno.
