Dozgerî waşt muxabiranê ajansê Mezopotamya Esra Solîn Dal û Mehmet Aslan û rojnameger Erdogan Alayumat bêrê cezakerdene.
Derheqê muxabiranê Ajansê Mezopotamya (MA) Esra Solîn Dal û Mehmet Aslan û rojnameger Erdogan Alayumat de bi sucdarîya “Endamtîya rêxistine” dewa ameye akerdene. Roniştişê şeşin ê dewa Edlîyeya Stenbolî yê Çaglayanî de ame vînayene.
Dozgerî xeberê ke rojnamegeran amade kerdê, sey suc hesibnayê û bi manayê “Endamtîya rêxistine” waşt rojnamegerî bêrê cezakerdene.
Avûkatan seba ke pawitiş bikerê waştişê wextî kerd. Mehkema waştişê wextî qebul kerd û dewa taloqê 9ê hezîrane kerde.
