Endamê Akademîya Zanistanê Komelkîyan a Abdullah Ocalanî Duran îfade kerd ke ê sey têgêrayîş hetê şarê Rojhelatî de yê û vat Îran de semedê azadîya kurdan ganî îtîfaqê demokratîkî bêrê ronayene.
Endamê Akademîya Zanistanê Komelkîyan a Abdullah Ocalanî Duran Kalkanî programêkê taybetî yê Medya Haber TV’yî de rojevî erjna. Qiseykerdişê Kalkanî ra qismêk wina yo:
“Ez sere de Rayber Apoyî bi hurmetî selam kena, reyna îfade kena ke ez pê bawer a ke xoverdayîşê Îmrali do miheqeq ser bikewo.
Ewro averşîyayîşê ke Rojhelatê Mîyanênî de qewimîyenê zaf muhîm û tarîxî yê. Tehlukeyî çend şinî dahîna eşkera yenê vînayene. Rewşa winayên de Prosesê Aştî û Komelê Demokratîkî yo ke hetê Rayber Apoyî ra ame averberdene, semedê kurdan û Tirkîya çend şino dahîna zelal yeno vînayene ke senî muhîm o. No proses semedê asayîşê tirkîya zî rolêko muhîm kay keno. Çunke çîyo raşt o yo ke asayîşê Tirkîya pê çeke û tehdîtan nêbeno. Asayîşê Tirkîya têna bi haştîye, demokrasî û azadîya şaran beno.
Rayber Apo bi serran o nê vano. Vano heta ke demokratîkbîyayîş nêbo çew nêeşkeno verê nê tehlukeyan de vindero. Ewro çîyê ke herême de qewimîyenê nê mojnene ra. Rojhelatê Mîyanênî agêrayo xeta adirî. Her ca de fuzeyî fir danê. Warê winayênî de asayîşê Tirkîya bi eştişê gamanê demokratîkbîyayîşî beno.
Nê semedî ra hinî ganî muanqeşe nêro kerdene, gamê pêtî bêrê eşetene. Rayber Apo ganî bieşko şertanê azadan de bixebito. No semedê averşîyayîşê prosesî şerto bingeyên o. Bi xo zî eşkera îfade kerd; eke wazenê semedê haştîye û çareserîya demokratîke dahîna zaf paştdayîş bibo, ganî şertê nê bêrê pêardene. Ganî verê sîyasetê demokratîkî bêrê akerdene, qanûnê azadîye bêrê vetene û rayîrê demokratîkîbîyayîşê Tirkîya bêro akerdene.
Şerê Rojhelatê Mîyanênî şero newe nîyo. No şer eslê xo de 36 serrî yo dewam keno. 1990 de gama ke bi se hezaran leşkerî Kofez de ameyî cakerdene nê prosesî dest pêkerd. No şer eslê xo de têkoşînê hegemonya yê mabênê hêzanê sermaye yê globalî statukoyê newtew dewlete yo. Qet feydeyê nê şerî semedê şaranê Rojhelatê Mîyanênî çîn o. Têna şîrketê çeke û hetê menfeatî qezenc kenê. Şarî vînî kenê.
Ma hetê nê şerî nîyê. Senî ke Rayber Apoyî zî îfade kerd ma xeta sîyasîye ya hîrêyine pawenê. Ma ne hetê hêrişanê hêzanê kapîtalîstan ê globalî de yê, ne zî hetê statukoyê netewe dewlete de yê. Ma hetê çareserîya demokratîke de yê, hetê komara demokratîke û yewîya demokratîke ya şaran de yê.
Qewimîyayîşê Îranî zî nê mojnenê ra. No şer şaranê Îranî rê zî qet çîyêk nêdano qezenckerdene. Îran de çareserîya raşte têna bi demokratîkbîyayîş û îradeyê hemparî yê şaran eşkena vejîyo werte. Şarê Îranî tarîxî ra wayîrê potansîyelê demokratîkî yê, ma pû nê bawer ê.
Na nuqta de tewirê şarê kurdî zelal o. Eke vera kurdan hêriş bibo ma tim cayê şarê xo yê Rojhelatî de yê. Wa şarê am naye ra bawer bikero. Şarê Rojhelatî şarêko zaneyê û xoverdayox o. Vera hêrişan ke beno ke do bêrê kerdene, eşkeno xo rêxistine bikerê û xover bido.”
La ganî kurdî têna semedê xo bifikîryê. Çareserî ganî mîyanê demokratîkbîyayîşê Îranî de bêro cigêrayene. Ganî kurdî pîya bi şaranê bînan ê Îranî îtîfaqanê demokratîkan ronê, pîya têkoşînê demokrasî bikerê. Çunke sîstemo demokratîko ke do Îran de bêro ronayene sey heme şaran do bibo temînatê azadîya şarê kurdî zî.
Tay hetê vanê mabênê şaran de do pêkewtişî bivejê. Îdîa kenê mabênê kurdan û azerîyan de ya zî mabênê kurdan û farsan de pêkewtişî do bivejîyê. Ma naye rê bawer nêkenê. Nê şarî sey wayûbirayan seserrî yo pîya ciwîyenê. Şarî tehluke nîyê, tehluke îdeolojîyê nîjadperest û şoven a. Ganî nînan rê çew mexapîyo.
Kurdî leşkerê çewî nîyê. Şarê kurdî seserrî yo têkoşînê azadîye keno. Bedelê girdî dayî. Hinî qet semedê menfeatê çewtî xo feda nêkenê. Ê ke wina vanê wa biwanê rewşa xo ra.
Coka çîyo ke ganî bêro kerdene zelal o. Xurtkerdişê wayûbiratîya şaran û bingeyê haştîye de afirnayîşê çareserîyêke. Ma zî xoverdayîşê xo wina rayra benê û do rayra bêrê.”
