Şarê Durzî ke demeêo derg o binê hêrişanê hukmatê demkî yê Şamî de yo, têkoşînê heqanê xo domneno. Des hezar kesî ewro zî Sûweyda de vejîyayê kuçeyan û waştişê heqanê xo kerd.
Binkewtişê rejîmê Baasî ser o serrêk vîyarte û hukmatê demkî yê Şamî zî serrêka îqtîdarî xo ra pey verdaye. Rixmê heme vengdayîşanê rayîranê çareserî zî hukmatê demkî heqanê kêmnetewan hetê kultur, netewe û dînî ra qebul nêkeno. Sey şarê kurdî û cîyayîyanê herême şare Durzî zî no serrêk o binê tehlukeya qirkerdişî de dewaya heqanê çarenûsî keno.
‘Heqê çarenûsê Suweydayî teqez o ’
Ewro des hezar Durzîyî reyna bi eyn waştişê vejeyê qadan. Girseyo gird ke Qada Şaristanî yê Sûweyda de kom bi, alê Durzîyan akerdê. Girse qadanê cîya yê şaristanî ra ver bi Qada Şaristanî rayra şîyê û bi slogan û dowîzan waştişê xo îfade kerdê. Rayîrşîyayîişî de bi taybetî pankart û dowîzê ke ser o, ‘Heqê çarenûsê seba Suweydayî teqez o’ ameyê akerdene û eyn waştiş bi sloganan ameyê vatene.
