Munaqeşeyê mabênê Îran û DYA’yî de programê nukleerî ser o dewam kenê. Îranî eşkera kerd ke ey serê pêşnîyarêk neweyî de xebitîyenê la mabênê hetan de problemê bawerî, weçînekê dîplomasî qels keno.
Îran semedê endîşeyê ke do hêriş virazîyo dest bi xurtkerdişê baregehanê xo yê leşkerî û nukleerî yê stratejîk kerdo. No zî rîskê şaş fehmkerdişêk muhtemel mabênê her di welatan de zêde keno. Sereke DYA’yî paştîdayena xo seba çalakîkeran dîyar kerd û hinî eşkerayan de serê polîtîkayanê şîdetî yê vera rejîmê Îranî vindert. Washington mesaj dano ke pêameyîşêk nêvirazîyo, cezayê ekonomî û mudaxaleyê leşkerî zî mîyan de heme weçînekî serê masa de yê. Yeno eşkerakerdene ke DYA’yî estbîyayîşê xo yê leşkerî Rojhelato Mîyanên de xurt keno. Çimdarî dîyar kenê ke îşaretê çekdarî yê her di hetan prosesê dîplomasî zeîf kenê.
‘Îran eşkeno bombayê nukleerî virazo’
Temsîlkaro Taybet yê Amerîkayî yê Rojhelato Mîyanênî Steve Witkoff, Fox Newsî rê vat ke Îran eşkeno hewteyêk de çekê atomî virazo.Witkoff dîyar kerd ke Amerîka bi tu hewayî nê qebûl nêkeno. Vera teda û tehdîdê DYA’yî zî Îran hewl dano ke bi rayîrê dîplomasî rîskê şerî kemî bikero û wazeno şerê rasterast yê bi DYA’yî xo ra dûrî bido, la tengeazarîya girde dewam kena.
Tehemulê şaranê Îranî zextan re nêmendo
Yeno vatene ke protestoyî bi giranî hetê wendekaranê unîversîte ra yenê rayra berdene, tayê şaristananê girdan de newe ra gur bîyê. Zehmetîye ekonomî, enflasyono berz, bêkarî û waştenê seba azadîya sîyasî mîyanê semedê sereke yê çalakîkeran de yê. Ame zanayîş ke hêzê asayîşî mudaxaleyê aktîvîstan kerdo xeylê kesî ameyê destbendkerdene. Rêxistinê mîyan neteweyî yê heqanê merdiman derheqê prosesê hukmî û cezayanê giranî ê ke ameyê dayene de fikarê xo ardê ziwan.
