Meclîsê Ciwanan ê DEM Partî qezaya Seyhan de xeylê dêsan ser o graffîtê Abdullah Ocalanî viraştê û ciwanan vat ke do seba azadîya fîzîkî ya Abdullah Ocalanî têkoşînê xo hîna pîl bikerê.
Meclîsê Ciwanan ê DEM Partî qezaya Seyhanî ya Edene bi waştişê azadîya fîzîkî ya Rayberê Şarê Kurdî Abdullah Ocalanî taxanê qeza de graffîtên Abdullah Ocalanî viraştê. Graffîtan reyde sloganê “Bijî Serok Apo” , “Bê Serok Jîyan nabe” û “Rêbertîya azad, ciwanên azad” ameyê nuştene. Ciwanan derheqê babete de eşkerayî daye.
Eşkerayî de ame dîyarkerdene ke embazê înan roja yewşeme hetê “endamanê şerê taybetî” ra rastê şîdet, îşkence, xesp, tehdît û zilmî ameyê û wina vat: “Vera kesanê ke wazenê ma bitersnê û sereyê ma bitewnê, mesajê ma zelal o. Tu hêz do nêeşkeno ma têkoşînê ma ra biaqitno. Zilm û hewldayîşê seretewnayîşî tena do hêz bidê ma . Ma do xebatanê xo yê seba azadîya Rayber Apoyî hîna pîl bikerê. Her kesê ke waştişê cuyêka birûmet kenê ganî seba azadîya Ocalanî reyêk de bikewê mîyanê têgêrayîşî.”
