Meclîsê Pêroyî yê Şaristanî yê Şirnexî pêşnîyaznameyê grûba DEM Partî ya nameyê dewam bi Kurdkî bêro nıuştene, qebul kerd.
Vakurê Kurdîstanî de roj çin o ke ziwanê Kurdkî ser o qedexe yan zî astengkerdişî nêrê kerdene. Şirnex de hetê Meclîsê Pêroyî yê Şaristanî ra seba nameyê dewan bi Kurdkî bêrê nuştene, qerar ame girewtene.
Hetê endamanê DEM Partî ê Meclîsê Pêroyî yê Şaristanî ra kombîyayîşê ewroyî de pêşnîyaznameyêk ame dayene û pêşnîyaznameyî de ame waştene ke tabelayê nameyanê 237 dewanê Şirnex û qezayanê aye bi Kurdkî bêrê nuştene.
Pêşnîyaznameyê endamanê meclîsî yê DEM Partî vengdayîşî de ame qebulkerdene. Goreyê nê qerarî Meclîsê Pêroyî yê Şaristanî ganî Walîtîyê Şirnexî tabelayanê dekewtişê dewan ser o nameyê dewan bi Kurdkî û Tirkî binuso.
