Serekwekîla Grûba DEM Partî Gulistan Kiliç Koçyîgît dîyar kerd ke Tirkîya de cuya merdiman “awe ra erjanêr a” û va: “Berpirsiyaro tewr pîl ê şewatan hukmatê AKP’yî yo.”
Serekwekîla Partîya Têduştî û Demokrasî (DEM Partî) Gulistan Kiliç Koçyîgît derheqê averşîyayîşê rojane de meclîs de kombîyayîşê çapemenî organîze kerd û eşkerayîye de bale ant şewatanê daristanan ser o.
Gulistan Kiliç Koçyîgît va: “Zerrîya ma ameyoxê ma û herra ma veşena. Pêwa nê bi hezaran ganeyî zî veşenê û benê welî. Şar semedê nê şewatan bermeno, labelê îqtîdar tena temaşe keno.”
Gulistan Kiliç Koçyîgît, dîyar kerd ke îqtîdar hemverê vengdayîşî mudaxaleyê şewatan bêveng o û wina va: “Bi mîlyonan çimeyê welatî benê welî. Berpirsiyaro tewr pîl ê şewatî hukmatê AKP’yî yo. Berpirsiyar, sazgeh ê û wezareto ke tedbîran nêgîno, ê yê.”
