Vengdayîşê DAD’î ser elewîyan xeylê şaristanan de hêrişê qirkerdişî yê ke verva elewî, kurd û durzîyanê ke Sûrîyede bi destê çeteyan yenê kiştene keyeyena xo de çila visteta. Bi hîmetê xo de waşt ke aşma Xizirî aştî û edalet bîyaro.
Merkezê Pêroyî Komela Demokratîke ya Elewîyan (DAD) seba rewşa ke Sûrîye de yena ramitene yew vengdayîşêk kerd. Vengdayîşte bale ante serê rewşa Rojava û Surîye de verva elewî, kurd û durzîyan hêrişê qirkerdişî çeteyanê HTŞ û SMO’yî xeylê şaristanan de çilayî ameyê tavistene.
Elewîyan, bi şîarê “Vera aşma Xizirî nê dem û dewranî de çilayanê xo verva neheq û zaliman fînenêta” û bi erkanê tavistişê çilayan mazlûmê ke ameyê qirkerdene vîr ardî; seba ke hêrişî vinderê û aştî virazîyo vengdayîş ame kerdene.
Dekewtişê aşma xizirî de û seba nê prosesi çilayî bi ziwanê Kurmancî û Kirmanckî ameyê tavistene. Duayan de ame waştene ke polîtîkayê şer û qirkerdenê Sûrîye de berô vindarnayene, şarî pêro pîya cuyêka têdûşt û azade biramê.
Aşma Sibate îtîqatê Elewiyande aşma Xizirîya û seba înan pîroz a. Elewîyan, waşt ke aşma Xizirî aştî edalet û heqîqet bîyaro, seba ke raya pêroyî ya mîyanneteweyî vera hêrişanê qirkerdene ke Sûrîye de yenê ciwîyayene bêveng mêmano vengdayîş kerd.
