Endama Konseya Serekîya Pêroyî ya KCK’yî Elîf Ronahî dîyar kerd ke Alî Haydar Kaytan PKK’yî çarçewaya cinî de erjna, çareserîya meseleyanê komelkîyan û vurnayîşê komelî de cinî tim sey pêşeng dî.
Kongreya PKK’yî ya 12. de amebi îlankerdene ke awankerdoxanê PKK’yî ra Alî Haydar Kaytan (Fuat) şehîd bîyo.
Endama Konseya Serekîya Pêroyî ya KCK’yî Elîf Ronahî 1979î ra nata Kaytan şinasnayêne, ajansê ANF’yî rê derheqê ey de qisey kerd.
Elîf Ronahî vat: “Sere de ê Rayberê ma sereyê şarê Kurdîstanî, cinîyanê kurdan, rêxistine û dostanê ma weş bo.
Embaz Fuat awankerdoxanê PKK’yî ra yew o. Ey destpêkî de Rayberî şinasna, bêteredut têkoşînî de cayê xo girewt. Şehadetê embaz Fuatî xora seba partîya ma dejêko giran o.
Embaz Fuat tim zerrî ra xebitîya. Hetê felsefî, îdeolojîk û polîtîkî ra hetê caardişê asta taktîkî, rêxistinî, stratejîkî ya Rayberî ra mîyanê kadroyî de bi heme hêzê xo xebitîya.
Embaz Fuatî bi hezaran kadroyî zî xeta Rayberî de perwerde kerdî. Xora Rayber Apoyî vatibi ‘Tewr zaf Embaz Fuat mi fehm keno.’ Embaz Fuat heta şehadetê xo layîqê Rayber Apoyî bi. Ey Rayberî de embazîye kerde.
Embaz Fuatî Dêrsimî ser o zaf erjnayîşî kerdî. Rayberî embaz Fuatî rê vatbi ‘Na cografya, no şar ganî bêrê azadkerdene.’ Nê qiseyî tesîrê embaz Fuatî kerd.
Embaz Fuatî PKK’yî çarçewaya cinî de erjna, çareserîya meseleyanê komelkîyan û vurnayîşê komelî de cinî tim sey pêşeng dî.”
