Xelataê Rojnamegerî yê Cinî yê Gurbettellî Ersoz ke hetê komela Rojnamegeranê Cinî ya Mezopotamyayî ra yenê organîzekerdene, ameyê eşkerakerdene. Seba xelatdayîşî do 8ê teşrîna verêne de merasîmêk bêro kerdene.
Musebaqa yanî xelatdayîşê xeberanê cinîyan ê ke bi nameyê Gurbeteellî Ersoz yenê kerdene, dinya de yewin a. Seba ke cinî qada çapemenî-weşanî de vatişanê xo vêşî bikerê, seba ke hîna zaf estbîyayîşê xo bimojnê, no merasîm muhîm o û gamêka tarîxî ya. Estbîyayîşê beşê xeberanê Kurdkî erjîyaye yo. Eynê wextî de tedeyîyê nê xeberan, têkoşîn, zehmetî û dejanê cinî û gedeyan ser o bi. Her xebere bi hewayêko cîya erjîyaye bîye. Seba nuştişê xeberan a bi ziwanê dayîke muhîm bîyê.
Xelatê Rojnamegerîya Cinî ya Gurbetellî Ersoz ke hetê Komela Rojnamegeranê Cinî ya Mezopotamya (MKG) yenê organîzekerdene, ameyê eşkerakerdene. Xelatî do bi merasîmêk 8ê teşrîna verêne de saete 19:00 de Çand Amed de (Merkezê Kultur û Kongreyî yê Sezaî Karakoçî) bêrê dayene.
Xelatkerdişê xebera kurmancî
Xelata xebera kurmancî Rojda Aydin û Dîlan Babat bi xebera “Kerdoxo ke destê xo dergê 12 gedeyan kerd, tîryakî kamca ra dî?” girewte.
Xebere na ya:
Xelata beşê tirkî
Beşê xeberanê tirkî de Zeynep Durgut a xebatkara Ajansê Mezopotmaya (MA) bi xebera sernameyê “Şirnex de şero taybet: “Çeteyêkê Fihûşî” xelate girewte.
Xelata Taybet a Jurîyî di rojnamegeran girewte
Beşê xeberanê tirkî de jurîyî “Xelata Taybet a Jurîyî” daye di rojnamegeranê cinîyan. Yeşîm Oruç seba dosyaya xeberan a bi nameyê “Rastîyê ke nêyenê vînayene, versucî nêyenê vînayene” û Necla Demîr zî seba xebera xo ya bi nameyê “Rojnamegerêka girewtw rihê 8ê Adare mojnena” xelate girewte.
Derya Ren beşê xeberanê bi vîdeo de xelate girewte.
Derya Ren a xebtkara Ajansê JINNEWS’î Bİ XEBERA XO YA Bİ NAMEYÊ “Sîlopya de şîdetê dewlete” xelata yewine girewte.
Beşê fotografan de Fatoş Sarikaya xelate girewte
Fatoş Sarikaya ya xebatkara Ajansê Xeberan ê Pîrî (PÎRHA) bi xebera xo ya “Hafizaya bêpeynî” hetê jurîyan ra seba xelate ameye weçînayene.
Xelata Taybet a Jurîyî ya Beşê Fotografan Sonay Odungît girewte
Xelata Taybet a Jurîyî ya Beşê Fotografan bi fotografê “Taxan de bi mîlyonan Arîc” Sonay Odungît girewte. Ame dîyarkerdene ke jurîyî na xelate seba teşwîqkerdişî daya.
MKG’yî xelat daye Dayîkanê Aştî
MKG’yî wina vat: “Ma sey MKG Dayîkê Aştî yê Kurdîstan û Tirkîya rixmê heme zilmî qet mabên nêda têkoşînê xo û erjeno ke ma Xelata Rûmetî ya Rojnamegerîya Cinî ya Gurbeteelî Ersoz bidê înan û ma têkoşînê înan silam kenê.
