Endamanê Koma Amedî, Amed de sazgehê kultur, huner û ziwanê Kurdkî zîyaret kerdê û kultur û hunerê Kurdkî ser o fikrê yewbînan goşdarê kerdê.
Koma Amed seba 25ê teşrîna verêne Qada Newroze de konserêk bida, 30 serran r apey vizêr ameye Amed. Endamê kome vizêrî ra sazgeh û dezgehan zîyaret kenê. Ameyîşê endamanê kome bi keyfweşî û kelecanî hat peşwazîkirin. Konserê Koma Amed bi hemkarîya Şaredarîya Amedî ya Şaristanê Girdî, Şaredarîya Peyasî û Sanatça Organîzasyonî do bêro kerdene.
Endamanê kome ewro sazgehê kultur, huner û ziwanî yê Amedî zîyaret kerdê. Endamê kome ewil şîyê Komela Kultur û Hunerî ya Dîcleyî, Komela Kultur, dima ra yew bi yew şîyê Komela Huner û Edebîyatî ya Cinîyan (KASED), Ma Musîc Center, Zarok MA û Komela Cigêrayîşanê Ziwan û Kulturanê Mezopotamyayî (MED-DER). Zîyaretî de deyîrê Koma Amed ameyê vatene. Sewbîna endamê kome û rayber û xebatkarê sazgehanê kultur û ziwanî averşîyayîş û zengînîya kultur û hunerê Kurdkî ser o fikrê yewbînî goşdarî kerdê.
Sewbîna endamê kome şîyê Mînareya Çar Ling a Sûrî û herinda ke Serekê Baroyê Amedî Tahîr Elçî ame kiştene, qerenfîlî ucayî ser o ronayê.
