Wezîrê Karanê Teberî yê Îsraîlî Saar dîyar kerd ke ê rolê Tirkîya ser o etiryenê çimkî Enqere wazena rayberîya sitarkerde rona. Wezîrê Pawitişî yê Îsraîlî Katz eşkera kerd ke hêrişê hewayî yê tesîsê T4’î ser o Tirkîya rê sey hîşyarîyêk o.
Yeno vatene ke Tirkîya Sûrîye de wazena pergalê pawitişî yê hewayî awan bika û silgirê hewayî yê çekî zî ca bika. Babete ser o Wezaretê Pawitişî yê Îsraîlî, Îsrael Katz dîyar kerd ke o bi xo Serekkomarê Sûrîye yê demkî Muhammed Colanî hîşyar kerd û wina va: “Mi ci rê eşkera va; eke dişmenê Îsraîlî bikewê Sûrîye ti do bedelêko gird bidê.”
Hewna babete ser o Wezîrê Karanê Teberî yê Îsraîlî Gîdeon Saar zî destnîşan kerd ke Tirkîya çi heyf o ke Sûrîye, Lubnan û welatê herême de rolêko weş kay nêkena û no ser ê zî etiryenê û wina va: “Tirkîya wazena Sûrîye de rayberîya sitarkerda awan bikera, waştişê xo zî bi eşkera nişan dana.”
