Êzidîyê Herêma Rojawanî roşanê “Bêxwîn” yan zî “Xidir Îlyas” pîroz kerd. Êzidîyan hêvî kerd ke aştî serwer biba û welatijê Efrînî agêrê ca û warê xo.
Banê Êzidî yê taxê Şêxmeqsûd û Eşrefîye yê Helebî bi wesîleya roşanê “Xidir Îlyas” warê Talêt Helebî de şayîyêk viraşt.
Şayî de hemserekê Banê Êzidî ya Helebî Menan Cafer, endamê rayberî yê Sazîya Kar û Barê Olî ya Helebî şêx Elî El Hesen, ser nameyê xiristîyanan de şêwirmendê miftîyê Sûrîye yê verê endazyar Basil Qis Nesrallah, hetkara hemserekîya Meclîsê Pêroyî ya taxê Şêxmeqsûd û Eşrefîye Arîn Henan qise kerdê.
Cafer roşanê “Bêxwîn”pêroyîya şarî û pêrabesteyan pîroz kerd û va: “No kombîyayiş qatî keno ke komelê êzidî bi xozaye ra girêdayî yo û seba dîyarkerdişê rojê roşanê komelê êzidî xo pawitişê bedilyayîşê demserre û tarîxê çandinî û çînayîşî yo.”
Şêx Elî El Hesen zî aşkera kerd ke wa hêzkerdiş û birayîya mabenê pêroyîya pêrebestayî û dînan de bêro vilakerdiş û hêvî kerd ke şarê Efrînî, Serêkanîye û Girê Spî biagêrê dewe û herraya xo.
Her wina Qis Nesrallah zî dîyar kerd ke no roşan parçeyêk mîrasê ruhî û merdimîye yo û va: “Dînê xirîstîyanan de ‘Roşanê Xidir Îlyasî’ bi nameyê Mar Gerges o.”
Bêxwîn, werdêko xususî yê nê roşanî yo. Bi 7 tewirê dananê sûrkerdeyen ra yeno viraştiş. Goreyê êzidîyan, Bêxwîn; savar, baqil, ceh, genim, kemûn, kuzbera (gijnîş), garis, dendikê berberoj yeno viraştiş. Xidir Îlyas zî, kesayêko asmînî yo nêmerg o. Verê sey perîya cotkarîye û varanê yeno zanayiş.
