Heyetê QSD’yî seba ke hukmatê demkî reyde pêvînayîşanê bi sernameyê entegrasyonê leşkerî rê dewam bikero, şi Şam; ame vatene ke Koalîsyonê Mîyanneteweyî zî tewro kombîyayîş bi.
Çimeyêkê leşkerî ke Ajansê Xeberan ê ANHA rê qisey kerd, vat heyetê Hêzanê Sûrîyeya Demokratîke (QSD) seba ke hukmatê demkî reyde pêvînayîşanê bi sernameyê entegrasyonê leşkerî rê dewam bikero, şi Şam.
Goreyê zanayîşanê ke ameyî girewtene Fermandarê Pêroyî yê QSD’yî Mazlûm Ebdî, edamê Femandarîya Pêroyî Sozdar Hacî û Sîpan Hemo heyet de ca genê.
Merkezê Çapemenîya QSD’yî da eşnawitene ke heyet nika selahîyetdaranê leşkerî yê hukmatê demkî reyde pêvînayîş keno. Eşkerayîye de ame vatene ke fermandaranê operasyonê Inherent Resolve Kevin J. Lambertî zî tewrê kombîyayîşî bîyo.
Hetê bînî ra QSD’yî eşkerayîya xo ya 29ê kanûna 2025î de vatbi zîyaretê Şamî bi sebebanê tekînî peyde ame eştene û wextê kilmî de do bêro kerdene. Yeno vatene ke pîya bi temasanê ewroyî proses newera ame destpêkerdene.
