Fîlozofa amerîkayije Rebecca Goldstein seba Vengdayîşê Aştî û Komelê Demokratîkî yê Rayberê Şarê Kurdî Abdullah Ocalanî ke 27ê sibate kerdibî, paştî daye.
Rebecca Goldstein Partîya Demokrasî û Têduştî ya Şaran (DEM Partî) rê mesajêk erşawit û îfade kerd ke aye prosesê aştî bi keyfweşî pêşwazî kena. Rebecca Goldstein wina va: “Ez xeylê keyfweş bîya ke mi eşnawit, mabêne dewleta tirke û kurdanê ke Tirkîya de yê, prosesê aştî yeno kerdiş. Qerarê fesihkerdişê PKK’yî gamêka bi îlham û cesaret bîye ke na gama tarîxî açarno rastî û bica bîyaro. Na game mojna temamê dinya ke rayîrêkê xelasî, eşkeno bêro peydakerdiş. Êdî ma însanîya yewbînî tam nas bikerê û seba averşîyayîşê ciwîyayîşê însanî bi heme cîyabîyayîşanê xo zî ma pîya bixebitîyê.”
