Hemvervatoxa DBPyî ya Herêma Marmara Vîldane Dogan bale ante hêrişanê îqtîdarî yê vera Rojawanî ser û vat ke teyna kurdî ney ganî hêzê muxalîfî yê Tirkîya zî vera ney wurzê
Hemvervatoxa DBPyî ya Herêma Marmara Vîldane Dogan derheqê hêrişanê vera Rojawanî de ANFyî rê qisey kerd. Vîldane îfade kerd ke bi hêrişanê peyênan rijîyayîşê rejîmê Baasî meseleyêka pîl a. Vîldane pare kerd ke seba famkerdişê nê prosesî ganî xeylê hetan ra rewşe bêra ercnayene.
Vîldane vat: ”Hêrişê 7ê teşrîna verêne yê Hamasî. Hêrişê Îsraîlî yê vera Hamas û Hîzbullahî. Adirbestê Lubnanî. Bêvengîya Amerîka. Sûrîye ra xoapeantişê Rûsya û Îranî. Ganî nê pêro pîya bêrê ercnayene. Tirkîya nê prosesî de vera destkewteyanê kurdan dest pê hêrişan kerd. Sûrîye de Dewleta Tirk çaresernêkerdişî ferz kena. Ganî na raştîye nêra vîrakerdene; Birêz Abdullah Ocalanî çend serrî verî vatbi ‘Ferasetê netewa dewlete rew yan zî erey qetî do birijo.’ Bi rijîyayîşê Baasî na raştîye ameye dîyene.”
Vîldane ard ziwan ke hêrişê Tirkîyaye yê vera Kurdan do dewam bikerê û vat: ”Aseno ke dewleta ke nêwazeba Kobanê û Minbic azad bimanê û çinkerdişê Kurdan armanc kena, do hêrişanê xo giranêr bikera. Teyna Kurdî ney ganî hêzê muxalîfî yê Tirkîyaye zî vera ney wurzê.”
