Komîteya Xelata Aştî ya Nobelî ya Norveçî, vengda ke bilez Nêrgiz Mihemedî bêra veradayîş.
Reaksîyonê mîyanneteweyî hemverê binpaykerdişê heqanê merdiman ê Îranî her ke şono zêdeyêr benê, cezaya 7 serrî û nîm ke daya pawitoxa heqê merdiman û xelatgirewtoxa Nobelî Nêrgiz Mihemedî rastê reaksîyonan ame. Bi xeberanê ke yeno dîyarkerdiş Nêrgiz Mihemedî zîndan de rastê nêzdîbîyayîşo xirab ê fîzîkî yena, endîşeyî zêde bî.
‘Ganî xelatgirewtoxa Nobelî bilez veradîya’
Komîteya Xelata Aştî ya Nobelî ya Norveçî, eşkerayîya xo de, veng da ke ganî xelatgirewtoxa Nobelî Nêrgiz Mihemedî bilez bêra veradayîş. Eşkerayî de ame dîyarkerdiş ke Nêrgiz Mihemedî rastê nêzdîbîyayîşê xirab û qijvistişî yena, no zî binpaykerdişê hemverê huqûqê mîyanneteweyî yê heqê merdiman o. Komîte da zanayîş ke Nêrgiz Mihemedî bi şîdet ameya destbendkerdiş û hema zî rastî şîdetê fîzîkî yena û cuya aye tehluke de ya.
