Pêvînayîşê mabenê Heyetê DEM Partî û Wezîrê Adaletî Yilmaz Tunç awanîya wezaretî de qedîya. Peyînayîş ra pey Gulistan Kiliç Koçyîgît qise kerd û va ke ganî xebat û weşîya şert û mercê Birêz Ocalanî weş bêrê kerdiş, çimkî Birêz Ocalan bi na rewşe nêeşkera pêvajo ra pêşkeşîyêka xurt bikero.
Heyetê DEM Partî ya ke Serekwekîla Koma Meclîsî ya DEM Partî Gulistan Kiliç Koçyîgît û Sezaî Temellî û Hetkarê Hemserekanê Pêroyî yê Komîsyonê Heqê Merdiman û Huquqî ra Verpirsîyar Ozturk Turkdogan ra pê yeno, Wezîrê Adaletî Yilmaz Tunç reyde pêvînayîşê xo qedîna.
Pevînayîşî ra pey Serekwekîla Koma Meclîsî ya DEM Partî Gulistan Kiliç Koçyîgît qise kerd.
Şîyayîşê heyetanê bînan bi avzel o
Gulistan Kiliç Koçyîgît normale de no pêvînayîş peynîya pêvînayîşê Birêz Serekkomarî ra pey biameynîkerdiş la belê nêweşîya Sirri Sureyya Onderî ser o ameybî taloqkerdiş, no ser pêvînayîş ewro ame kerdiş û wina va: “Ma embazê xo yê Endamê Heyetê Îmraliyî Sirri Sureyya Onderî ra weşîye wazenî. Pêvînayîş de nîqaşê ma yê ewilî, şert û mercê û rewşa weşîya Birêz Abdullah Ocalanî ser bî. Ma wezîro birêz ra zî va ke şert û mercê tecrîdî ser o Birêz Ocalan nêeşkero pêvajo ra pêşkeşîyêka xurt bikero. Seba averşîyayîşê pêvajo şerto ke ganî bi lezûbez şert û mercê Birêz Ocalanî bêrê raştkerdiş, rojanê ameyoxî de do ma bivînî ke averşîyayîşê weşî ca bêrî. Uca ra teberê Heyetê Îmraliyî, şîyayîşê heyetê bînî (wekîl, rojnameger, roşnvîr û Birêz Ocalan wazeno ke bivîno) ma wezîrî ra zî ard ziwan ke bi avzel o.”
Hepsîyê nêweş wa lezûbez bêrê veradayîş
Gulistan Kiliç Koçyîgît ard ziwan Tirkîya de babeta adaletî de problemê gird est ê û wina domna: “Seba ma tewro avzel o sereke, rewşa hepsîyê nêweş a, ma heme zanenî ke rewşa înan nîno weşkerdiş. Ganî seba hepsîyê nêweş, raştkerdişê lezûbez bêrê kerdiş, hepsîyê nêweşî ke raporê înan est ê, bi lezûbez bêrê serbestveradayîşî. Nika rojeve de bedilnayîşê Qanûnê Pandemî est o, çimkî uca de sûcê rêxistinkerdeyî ra ca nêameybî dayîş. Ma zî waşt ke ganî no qanûn ra wa her kes feyde bivîno, no qanûn de nêzdîbîyayîşêko seypêyî bêro viraştiş. Mahkemeya Berze ya Makeqanûnî madeya bi nameyê rêxistinî yê sûckerdişî betal kerdbî, ganî na made ra paketê qanûnî de ca nîro dayîş. Bi qerarê subjektîf dergkerdişê cezaya hepsê sîyasî yê bi destê Heyetê Muşahedeyî nîno qebulkerdiş, ganî bi lezûbez no heyet bêro demokratîkkerdiş. Ganî nê heyetan goreyê krîterê objektîfî qerarê xo bidî. Hewna rojeve ra sûcê dîsîplînî ameyî, ganî çarçiweya raştkerdişê neweyî reyde, şert û mercê hepsîyan bêro raştkerdiş, her çalakî çarçiweya sûcê dîsîplînî ercnayîş nîno qebulkerdiş.”
Gulistan Kiliç Koçyîgîte vatişê xo wina qedîna: “Ma babeta tecrîd û qanûnê înfazî wezîrî ra ard ziwan û o zî heme vatişanê ma sey not girewt. Xo ra hembarî seba bedilnayîşê qanûnî ser o dîyarkerdişê ma yê hembarî est ê. Her kes zaneno ke zaf qanûnî bêadalet, bêheqîqetî yê. Wezîrê birêzî ma rê va ke do na babete de xususî xebat bikerî. Ma do demê ameyox de zî dayîşûgirewtişê fikranî ra verdewam bikerî. Ma Dewaya Kobanî de zî ercnayîşanê xo ard ziwan.”
