Cinîya zanyar a hindî Gayatri Çakravorty Spivak mesajê xo yê paştîdayîşê vengdayîşê Rayberê Şarê Kurdî Abdullah Ocalanî de wina vat: “Ez zerrî ra wazena no proses mende û domdar bo.”
Cinîya zanyar a hindî Teorîsyena Edebîyat Rexnegira femînîst Gayatri Çakravorty Spivak seba vengdayîşê Rayberê Şarê Kurdî Abdullah Ocalanî yê ‘Aştî û Komelo Demokratîk’ mesajê paştîdayîşî erşawit.
Partîya Têduştî û Demokrasîyî ya Şaran (DEM Partî) mesajê Gayatri Çakravorty Spivak hesabê xo yê medayaya dîjîtale ser o pare kerd. Mesajê Gayatri Çakravorty Spivak wina yo:
“Ez wazena bêşert piştgirîya xo ya seba prosesê aştî îfade bikera. Domdarîya nê prosesî helbet do asan nêbo. Seba ke tarîxêko ke wayîrê pêrodayîşêko vîyarte û adirbestê yê ke zaf reyan ameyê binpaykerdene, est o. Labelê tayê hedîseyî yenê ciwîyayene est ê ke hêvî danê. Ez yew pasîfîst a. Derheqê qedîyayîşê şerî de îhtîmalêko zaf şenik zî est bo, bîyayîşê parçeyêkê nê prosesî ez sey wezîfe vînena. Her rewşa ke hetê hemverê bêrê têhet û tede ca bigîrê, ez eşkena uca de ca bigîra. Seba ke hemverîyê winasînî kokê bingeyîn ê, halbike piştgirîya merdimîye nuştekî ya. Şerî kokê xo bingeyî ra gênê, kesê ameyê kiştene, rîyê înan çin o. Hemverê nê adirbestî nuştekî yê; o semedî ra ganî heme jestî bêrê pawitene. Ez wazena reyna îfade bikera ke piştgirîya mi seba prosesî tam a. Eynî wextî de ez wazena prosesanê aştî de derheqê piştgirîya bingeyê zayendê komelkî de biba wayîrê hîna zaf agahîyan. Tewr peyên ez wazena ez zerrî ra wazena no proses mende û domdar bo. Lazimtîya dinyayî bi naye est a. Ez spas kena.”
