Dêrsim de varayîşê vewre ra dima, germîya hewayî xeylê kewte. Verê germinîye ke sifir ra cêr 10 dereceyan ra ame war, Zinarê Bermeyoxî yê ke rayîrê Dêrsim-Pulemurîye-Erzinganî ser o yê, cemidîya.
Şoforanê ke rayîr xebetnêne, fotografê zinaranê cemidyeyan antêne. Saetanê şewe de germînîya hewayî heta 20 dereceyan şîye sifir ra cêr.
Goreyê xebera Rojnameyê Dersim Expresî, welatijo ke rayîr xebetneno, wina va: “Şaristanê ma de demêko derg ra pey, vewra ke wina zaf varena. Vewre reyde weşîya zimistanî zî ame meydan. Rewşa zimistanî yê Zinarê Bermeyoxan cîya weş o. Wisar, hamnan û zimistanê şaristanê ma, her tewir weş o. Ma zî wazenê ke tehmê ci bigîrê. Ma embazan reyde ameyî, do fotograf biancê.”
