Girê Spî yê îşxalkerde de encaamê teqîyayîşî mayînêk de ciwanêk cuya xo vîndî kerde û birayê ey birîndar bi.
Goreyê xebere ANHA’yî; çimeyê şaristanokê Siluk ê Girê Spî yê îşxalkerde ra eşkera kerd ke vizêr nêzdiyê dewa El Zaezû ya Silukî de mayînêk 2 ciwanan de teqîyaya. Encam de ciwanê bi nameyê Muhned Hesen El Umer cuya xo vîndî kerde û birayê ey Salih Umer zî birîndar bi.
Artêşê Tirkiya û grûbê girêdayeyê aye 9ê teşrîna verêne 2019î de şaristanê Girê Spî îşxal kerdbi. Ê wextî ra herême de kerdişê kiştiş, talankerdişê sîstematîk û vilabîyayîşê damanê qaçaxtî û bazirganîya merdiman dewam kenê.
