Furkan Ugur ke Hepisxaneyê Tîpê F ê Kiriklarî de yeno girewtene, telefonê ser o keyeyê xo ra vat ke zilmo psîkolojîk ey rê yeno kerdene.
Furkan Ugur ke serra 2016î ra demê qedexeyanê vejîyayîşê kuçeyan ê Şirnexî de ame girewtene û Hepisxaneyê Tîpê F ê Kiriklar ê Adana de yeno girewtene, telefonê ser o keyeyê xo reyde qisey kerd û vat ke zilmo psîkolojîk ey rê yeno kerdene. Mehkemaya Cezayanê Giranan a Şirnexî bi îdiaya “herimnayîşê yewî û yewparîya dewlete” cezaya muebedo girankerde dabî Ugurî. Ugur ke 9ê teşrîna 2024î de Hepisxaneyê Hûmara 2. yê Xarpêtî sewqê Hepisxaneyê Kiriklarî ame kerdene. Ugur telefonê ser o binpaykerdişê heqan ê vera ey vatî û îfade kerd ke no 2 serrî yo qawişê yewkesî de yeno girewtene.
Keyeyê ey da zanayene ke Ugur vato ke bi manayê cigêrayîşî de erzenê qawişî ser o, her reye odaya ey yeno serûbin kerdene. Goreyê agahîyanê ke keyeyê dayî, Ugurî wina vato: “Mi rê zilmo psîkolojîk yeno kerdene. Dest dayo hacetanê mi ser o. Ez nêeşkena vejîya sohbet, hewş û werzişî. Werdî dde problem est o. Nêyeno qebulkerdene ke nê prosesî de no muamele bêro qebulkerdene.
