Girewteyo nêweş Mehmet Edîp Taşar ke 21 rojî yo nêweşaneyêkê Stenbolî de ameyêne dermankerdene, şi heqîya xo.
Girewteyo nêweş Mehmet Edîp Taşar (70) ke 3ê Adare ra nêweşxane de ameyêne dermankerdene, şi heqîya xo. Ame zanayene ke Mehmet Edîp Taşar ewro şîyo heqîya xo. Nêweşxaneyê Çam Sakura yê qezaya Başakşehîrî yê Stenbolî de ameyêne dermankerdene.
Ame zanayene ke dima ke cenazaya Taşarî nêweşxane ra bêra girewtene, do berê Êlih.
Taşar Hepisxaneyê Tîpê L’yî yê Hûmara 5. ê Marmarayî (Sîlîvrî) de ameyêne girewtene û mîyanê lîsteya girewteyanê nêweş de bi ke rewşa înan giran bîye. Rêxistinê huqûqî û heqanê merdiman xeylê reyan seba Taşarî veng da rayedaran ke bêro veradayene.
