Xeylê partîyê sîyasî, sazgehê sivîlî û rêxistinê komelî seba mîtîngê 1ê Gulane dest bi rayîrşîyayîşî kerd û bi girseyî herikîyayê meydanê mîtîngî.
Bi pêşengîya DÎSK, KESK, TTB, TMMOB’î bi munasebetê 1ê Gulane bi siloganê “Seba kede, edalet, azadîye û demokrasî ma do serkewê” Meydanê Rihtimî yê Kadikoyê Stenbolî de mîtîngêk yeno viraştene.
Partîyê sîyasî, sendîka, rêxistinê komelî mîtîngî ra ver Sogutluçeşmeya Kadikoyî de kom bîyê. Girse rayîrşîyayîşî ra ver govende girewte û deyîrî vatê. Dima zî girse bi pankart û kortej ver bi meydanê mîtîngî rayra şi. Girse rayîrşîyayîşî de bêmaben siloganê “Yewîya karkeran do sermîyanan çin bika”, “Biciwîyo 1ê Gulane”, “Bijî Serok Apo”, “Bi hêzê kede ver bi Komelo Demokratîk” vatî û ver bi meydanê mîtîngî rayra şîyê.
Mîtîng do bi pêserbîyayîşê girse dest pêbiko.
