Dewa Segedîkê Xozadî ya Dêrsimî de goristanê zinarî yê 4000 serran est ê. Muxtarê Segedîkî Yusuf Yeşîl va ke dewa înan de nêzdî 17 heb goristanê zinarî est ê û tewir bi tewir weş ê û ard ziwan ke tarîxnasan zî tesbît nêkerdê ke nê goristanan çend serran verê ameyî viraştiş.
Dewa Segedîkê Xozadî ya Dêrsimî de ode û goristanê zinarî yeno taxmînkerdiş ke nêzdî 4000 serran ê. Goristanan nêzdî 16 metrekareyî û zereyê zinaran ra ameyî viraştene. Berê goristanan standart û goreyê dîyayîşê roje ameyî viraştiş.
Muxtarê dewa Segedîkî Yusuf Yeşîl PÎRHA’yî ra qise kerd.
Ma nêzanenê seba çi virazîyayî?
Muxtar Yusuf Yeşîl aşkera kerd ke tarîxnasan seba cigêrayîşê nê goristanan ameyî la belê nêeşkîyayî tesbît bikerê ke çend serran verê nê goristanan virazîyayî û wina va: “Ma rê vatê ke emrê nê goristanan nêzdî 4000 serran ê. Goristanan yewbînan ra tewir bi tewir weş ê û nêzdî 17 heb goristan est ê. Ewta guya warê sîtî yo la belê yew wezîfedarê ewleyî yê çîn o. Ewta zaf bi qiymetir o, no ser ganî bêro pawitiş.”
