Meclîsê Grûba Cinîyan a Zenûbîya bi munasebetê 1ê Gulane Roja Roşanê Karkeran ê Dinya seba heme cinî û camêrdanê kedkaran mesajêk erşawit.
Eşkerayî de ame dîyarkerdiş ke nê rojî tena semedê pîrozkerdiş ê labelê eynî wextî de hemleyêkê têkoşînî yê ke têkoşînê kedkaran, bi taybetî yê cinîyan sey hêzê serkêş ê vurnayîş û xelasîya komelî mojnenê.
Meclîsê Grûba Cinîyan a Zenûbiya dîyar kerd ke ê projeyê xo yê azadîye fehmkerdişê Rayberê Şarê Kurdî Abdullah Ocalanî ra gênê û va, “Sîstemê ke cinî pozîsyonê berardiş, qerar û îdareyî rê dûr fînenê, înan de edalet çin o.”
Peynîya eşkerayîye de Meclîsê Grûba Cinîyan a Zenûbiya teqez kerd ke do xebata semedê awankerdişê komelêko demokratîk, ekolojîk û azad bingeyê edaletî cinsî û têduştî, ekonomî ser o bidomnê.
