Grûbêka ciwananê Rojhelatê Kurdîstanî eşkerayî daye û dîyar kerd ke ê tewrê xoverdayîşê Rojava benê. Ciwanan dîyar kerd ke hêrişê Rojava ser o, hêrişê serê heme şarê kurdî yê, Rojava Rojhelat o, Kurdîstan yew welat o.
Grûbêka ciwananê kurd ê Rojhelatê Kurdîstanî binê vewrêka zêde de eşkerayî daye û dîyar kerd ke do tewrê têkoşîn û xoverdayîşê Rojava bibê. Grûba ciwananê Rojhelatê Kurdîstanî da zanayîş ke do tewrê xoverdayîşê tarîxî ê Rojava bibê. Ciwanan eşkerayî de dîyar kerd ke Rojava reyna bîya hedefê neyaran û wina vat: “Pawitişê Rojava, Pawitişê rûmet, şeref û erjê heme merdimîye yo. Şarê Rojava bi piştgirîya çar perçeyê Kurdîstanî vera grûbanê çeteyan xoverdayîşêko tarîxî mojna. Ma reyna vînenê ke Rojava bena hedefê hêrişan. Grûbê hêrişkarî bi hetkarîya Tirkîya û hêzanê mîyandewletî hêrişê Rojava kenê. Hêrişê Rojavayê Kurdîstanî ser o, hêrişê serê heme perçeyanê Kurdîstanî û heme kurdan ê. Reyna serkewtişê Rojava, serkewtişê heme kurdan û Kurdîstanî yo. Pawitişê nê erjan pawitişê heme erjan o. Seba pawitişê erj û destkewteyanê kurdan ma tewrê têkoşînê Rojava benê.
Rojava Rojhelat o, Kurdîstan yew welat o.”
