Serekwekîla Grûba DEM Partî Gulistan Kiliç Koçyîgît: Aktoro tewr muhîm o ke do aştî û çareserîye bîyaro ca binê tecrîdî de yo.
Serekwekîla Grûba DEM Partî Gulistan Kiliç Koçyîgît Meclîs de kombîyayîşê çapemenîye de rojev erjna.
Gulistan qurbanê Qirkerdişê Enfalî yad kerdî. Gulistan serrgêra operasyonanê KCK’yî ya 2009î arde vîrî û pare kerd ke ê operasyonî bi temamî provakasyon bîyî.
Gulistan bale ant pêvînayîşanê Rayberê Şarê Kurdî Abdullah Ocalanî ser o û vat: “Ma Birêz Erdoganî de pêvînayîş kerd. Ma nê pêvînayîşî de ard ziwan ke ganî tecrîdê Îmraliyî wedarîyo û Birêz Ocalan bieşko bi rehetî xebatanê xo bikero. Aktoro tewr muhîm o ke do aştî û çareserîye bîyaro ca, binê tecrîdî de yo. Meclîsî heta nika vera tecrîdî çîyêk nêkerd. Ganî na babete de Meclîs gamêk bierzo.
Hetê bînî ra ma do Wezîrê Edaletî Yilmaz Tunç de pêvînayîş bikerê. Ma do tecrîdê Îmraliyî, qanûnanê înfazî û babetanê bînan ser o qisey bikerê. Seba ke no proses aver şêro ganî Meclîs rol bigêro û zemînêko huqûqî awan bikero.”
