Mintiqaya Helepceyî yê Kurdistanê Başûrî de Festîvala Henaran a 11. bi beşdarîyêka gird a citkar û cinîyê wayîrê desrengînî, destpê kena.
Helepceyî de her serre Festîvala Henaran pê yena, emserre zî Festîvala Henaran a 11. bi beşdarîyêka gird a citkar û cinîyê wayîrê destrengî destpê kena. Hetê Rayberîya Citkarîye 630 cayanê xususî seba nawitişê berhemanê tewir bi tewir ameyê hadrekerdene. 30 cayî seba berhemanê mîyanxoyî û 10 cayî zî seba hingimêna xokeyeyî ameyê dîyarkerdene.
Rayberîya Citkarî ya Helepceyî dîyar kerd ke mintiqaya Helepceyî de 10 hezar û 600 donim erdî de henar esta ke tede nêzdîyî 2 hezar û 300 citkarî kar kenê.
