Rojnameger û nûçegîhanê Ajansê Mezopotamyayî Ahmet Kanbal aşkera kerd ke di ambazê înan îca de şehît kotî, na çalekîye zî îta de berdawam bî û waxtoke ê îta de bî ey ambazê înan şehîd kewtî. Kanbal dîyar kerd ke hem Îsraîl rexne kenê hem zî eynî çi kenê
Rojnameger Cîhan Bîlgîn û Nazim Daştan wextê teqîbê xeberan de ameyî qetilkerdene. No serebût qiseyê ‘Şer de hêverî raştîyî kişîyenê’ ano vîran. Seba ke raştîyan binimnê hêrişê rojnamegeran kenê. Her cayê dinya de rojnamegerî yenê hedefkerdene la Rojhelato Mîyanênî de na rewşe zafêr a.
Rojnameger û Nûçegîhanê Mezopotamyayî Ahmet Kanbal qetilbîyayişê rojnamegeran Cîhan Bîlgîn û Nazim Daştar ser ajansê ma rê qise kerd.
Rojnameger û Nûçegîhanê Mezopotamyayî Ahmet Kanbal qalê Cîhane û Nazimî kerd û va: “Di ambazê ma şehît kewtê, ma îtade nêeşkîyayîme vindime. Miletê îtîyayî û ma bi xo ma nêeşkîyayî vindêrê. Ma vatêne; ‘Ma zî şêrê vera înan.’ Çike ambazê ma ûca heqîqatî dima gêrenê. Wextoke heqîqatî dima gêrayî ayera şehîd kewtî. Îtî ya zî no çalekî est bî. Çalekî zî nîyara wextoke ma îtîyara onîyenê uca raşta ma piştî danê ucayî. No şar îtîya de ronîşeno şar piştî dano îcayî. Ama yew çîyêde bîn zî esto îyêke îtade rê ê wayîre dawayê wayîrê dozeyê îyê ke wayîrê Rojawayî yê. Çalakîyê îtîyayî teynîya piştî dayene nîya yanê, wayîrî dozeye, wayîrê dawaye. Ayera waxtoke ambazê ma îcade şehid kewtî ma ra durî nêbî birayê ma, rayedarê ma şehid kewtê. Ma henî vend ma henî onîya tira. Şaro ke îtîyade ronişto înan zî henî onîya.”
Weyîrîya Rojawayî, weyîrîya Nisêbînî zî yo
Kanbal dîyar kerd ke rastî zî ê nika îtîyade onîyenê tira qarşîyê înan de Qamişlo esto, wextoke ê onîyenê înan cayanê bînan nêvênenê û wina dewam kerd: “Welatanê bînan nêvênenê, welatê ma yo. Ma onîyenê welatê xo ra, welatê ma ser bombeyî teqenê, welatê ma ser balafirî gêrenê, welatê ma ser sîlayî erzînê. Şarê ma kişenê, miletê ma kişenê, birayanê ma kişenê. Ma wextoke îtiyara onîyenê cî ma ey vênenê. Şarê îtîyayî zî eyî vêneno. Qandê cîya weyîrîya Rojawayî teyna nê weyîrîya Rojawayî ya, weyîrîya Nisêbînî yo zî, weyîrîya Mêrdînî yo zî, Amedî yo zî weyîrîya Başûrî ya zî.”
Her tim vanê rojnameger nîyê
Kanbal ant ser çewres serîyo dewleta Tirkiya rojnamegeran ra vana terorist, verêna zî nîyabî û vat: “Tirkîya zî zê dewleta Îsraîlî nêzdî bena. Îsraîlî zî 5 rojnamegerî kiştê. Îsraîl zî eynî qisayan vano. Ahmet Hakan zî vano ‘rojnamegeran propogandaya rêxistine kerdo û qetilkerdişê înan normal o.’ Xora Tirkîya de 40 serrîyo nê çîyî est ê. Waxto ke Apê Mûsa amebî kiştene zî nê çîyî ameyî vatene. O dem Tirkan vat; ‘Mûsa Anter rojnameger nîyo’.”
Kanbal wina qedîna: “Meşt yew merdimo bîn hemverê na dewlete çîyêk bikero yan vajo, o/a zî do bêro kiştene. Dewlete vana ke ‘eke rojnameger/a sey mi nuseno/a û fikrîyeno/a, ez ey/aye qebûl kena. Waxto ke sey mi tênêgereno/a, ez qebûl nêkena.’ Serokkomarê Tirkîya Erdogan hetêk ra derheqê kiştişê rojnamegeran de Îsraîlî rexne keno, hetekê bînî ra bixo zî eynî çî keno.”
